હરિફાઈ

આ તે છે શેની હરિફાઈ 

ચડસાચડસીની લાગી છે લ્હાય! 

​નથી માત્ર સત્તાની આ વાત,

દરેક ક્ષેત્ર જગતના, નથી આમાંથી બાકાત.

​કસોટીની જરૂર છે તાતી,

પણ; નિષ્પક્ષતા નથી એમાં દેખાતી,

​અદેખાઇ, આડંબર, છળકપટ ને નાણાં,

સાચી કસોટીને લાગ્યા આ ગ્રહણના ઓછાયા,

​

રૂપ, સત્તા, પ્રતિષ્ઠાને બહુ માન,

સત ને લાગ્યા કળિયુગના બાણ! 

​

છો ને થતી પ્રખર કસોટી તમામ,

આવડત તમારી ચોક્કસ કરાવશે ઊંચી ઉડાન!! 

​

કાળા નાણાં ના ખેલ સૌ કાળા,

ખેલ આ હાથમાં નહીં લેવા દે માળા,

​

યાદ રાખ એટલું ;

નાણાં જરૂરી એટલા માણા(સ)ય જરૂરી 

બાકી, સૌની કરવી પડશે જી-હજૂરી.