હોસ્પિટલ

મુલાકાત એ એવી હતી કે અચાનક

હાથ ઈશ્વરને જોડાઈ ગયા,

મુલાકાત એ એવી હતી કે 

મૃત્યુનું દર્શન હાથવેંતમાં હતું,

મુલાકાત એ એવી હતી કે 

કોરોનાએ મોઢું ફાડ્યું હતું મોટું,

બીજી લહેર આવી ને

દીકરાને લઈ ગઈ હોસ્પિટલે,

મુલાકાત મારે પણ લેવી પડી

એ કાળમુખી હોસ્પિટલની,

મને પણ ત્યાં જ રાખી લીધી

કોરોનાની એ લહેરે,

મુલાકાત એ હતી કે 

ડોક્ટરની ટીમ ભેગી મળી,

ચર્ચા કરતાં કરતાં વિચારે

આને મારવી કે રાખવી ?

ચર્ચા સાંભળી એમને તો કહી દીધું,

મેં, કે સર્જનહાર છે મોટો,

ભરોસો એમનો રાખશો તો

સૌ સારાવાના થશે,

મુલાકાત એ હતી કે,

હોસ્પિટલ રહ્યાં પછી

સૌ આવ્યાં ઘેર હરખભેર.

પાડ પ્રભુનો માની રહ્યાં 

મુલાકાત એ હતી કે..!