હે રામ
હે રામ
માતા-પિતાને ઈશ ગણી ઈશ્વર સંગ પુજયા,
માતાની આજ્ઞા ખાતર ચૌદ વર્ષ વનવાસ સહ્યા,
હે રામ ! તુજથી વિશેષ સુંદર જગમાં બીજું હોય શું ?
ભાઈને મળી રાજગાદી એ તમે સહર્ષ સ્વીકાર્યા,
ભાતૃભાવ અકબંધ રાખી પરિવાર તમે છોડ્યા,
હે રામ ! તુજથી વિશેષ સુંદર જગમાં બીજું હોય શું ?
રાવણ મહાબલિ રાક્ષસ સંગ કરી લડાઈ જીત્યા,
પત્નીને માન સન્માન આપવા જંગ તમે જીત્યા,
હે રામ ! તુજથી વિશેષ સુંદર જગમાં બીજું હોય શું ?
હનુમાન, વિભીષણ ને સુગ્રીવ સમાન મિત્ર અનેક,
મિત્રતા ખાતર તમે યુદ્ધ લડી અપાવી મીઠી મહેક,
હે રામ ! તુજથી વિશેષ સુંદર જગમાં બીજું હોય શું ?
ભગવાન હોવા છતાં માનવરૂપે ધર્યો અવતાર,
મર્યાદાના દરેક પાઠ શીખવ્યા બનીને રાહબર,
હે રામ ! તુજથી વિશેષ સુંદર જગમાં બીજું હોય શું ?