હાસ્ય વેક્સિનેશન 2

મોટા શેઠ બેઠાં ટાંટિયા કરી લાંબા, મફતિયું ખાવાનું ના મળે,

મજૂરી કરો મજૂરી ! રીટાયરમેન્ટમાં આવું સાંભળવા મળે !

-

એ આવીને અડપલાં અમથા કાં કરી જાય 

સપનામાં ભરી ચીમટા કાં ઊંઘ ઉડાડી જાય ?

-

પ્રશ્ન અઘરો રહ્યો છે જવાબ આપવો, નાભિચુંબન કયું સુંદર ?

નાભિખાડો ઊભી રેખા કે પછી આડી રેખા ક્ષિતિજ સમાંતર !

-

શબ્દોને તુકબંધીમાં છંદની સીમાઓ આંકી ગઝલ રચાય છે,

દિલમાં ઘા કરે તે શેર, અમર્યાદ જીગરના લોહીથી લખાય છે !

-

શૈશવમાં ચાંદને અડવાની જિદમાં થાળીમાં પાણીથી પૂરતી,

જુવાનીમાં એ જિદ તને ગાલે સ્પર્શી લઉં છું એટલે થૈ પૂરતી !

-

ગયો તો મૃતક નોંધણી કચેરીએ, ઉથલાવ્યા પાના ફંફોળવા,

નોંધ તો નથી થઈ ને ક્યાંક આપણાં સંબંધની એ શોધવા !

-

પ્રણય ત્રિકોણમાં એકને ફના થવું જ પડે, અંત દુઃખદ હોય,

માશુકા, બસ થઈ જા તું બિન્દાસ તૈયાર છું હું ફના થવા !