હાશ થઈ ગઈ

મૃત્યુની આગોશમાં આવીને હાશ થઇ ગઈ,

ભલે ને ! શ્વાસો બંધ થતાં, હું લાશ થઈ ગઈ.

આખું આયખું તરફડ્યા કર્યું આઝાદી માટે,

જો ! હૃદય બંધ, ને ઈચ્છા બધી નાશ થઈ ગઈ.

આપ્યું છળકપટ ! હવે છાંતી કૂટો ! શું પડશે ફર્ક ?

દંભી આંસુ, રીતરિવાજોથી હુંય ત્રાસ થઈ ગઈ.

જોઈ છે ઘડી વારેઘડી, કેટલી લાગશે વાર હજી ?

આખરી તકલીફ દેતાં, અસ્થીઓ નિરાશ થઇ ગઇ.

ન ટાંગશો મુજ તસ્વીર, ખીંટીને નાહક શીદને ભાર ?

જો ! હવે, દૂર છતાં યાદોમાં હું તારી પાસ થઈ ગઈ.