હાર્યા નહિ!

જીતવાની જ્વાળા અમે પણ જગાવી હતી,

એકાંતની અગાસીએ મને ઓગાળી નાખ્યો,

સફળતાની સીડી અમે પણ બહુ ચડ્યા'તા,

નિષ્ફળતાના નિઃસાસાએ મને નિરાધાર બનાવ્યો,

 

સત્યતા, હિંમત ને 'કર્મ'ની જ હકુમત હતી સાહેબ,

અસત્ય અને કુકર્મના કાળાજાદુએ કપટથી સત્તા જમાવી,

સલાહની સોગાદ અમે પણ બહુ વહેંચી,

અસમજણના અજંપામાં ફસાયા ત્યારે સમજાણું,

જીતી જઇશું એ ઉત્સાહથી ફરી દોડ્યા,

થોડી નિરાંતે પણ મૃગજળમાં જ પાણીની તલાશ પૂરી થઇ.