હા..હું સ્ત્રી છું
હા..હું સ્ત્રી છું
હું ઈચ્છું મને નામના મળે,
કરું વિશેષ કામ પણ,
મને 'નામ ના મળે' !
ઘણી ઈચ્છાઓ ધરબાઈ,
જ્યારથી જિંદગી પરખાઈ,
જન્મ મળે બંનેને સરખો,
મા નો સ્વાર્થ ના મળે.
જન્મ પછી જ બંનેનો
આ ભેદભાવ કેમ મળે ?
સમાનતાની શું વાતો કરીએ ?
કરીએ સરખા કામ પણ,
સરખા દામ ના મળે.
આ કામ પુરુષ કરે,
આ કામ સ્ત્રી કરે,
આવી વિચારધારામાં
બદલાવ કોણ કરે ?
પડી છે પગમાં જો આ
બંધનની અદ્રશ્ય બેડીઓ,
એ તોડી મારી અંદરથીજ
મારે બહાર નીકળવાનું રહે !