ઘરમા નોખા હોય છે ને બ્હાર નોખા

ઘરમા નોખા હોય છે ને બ્હાર નોખા હોય છે,

કેમ માણસ જાત ના વ્યવહાર નોખા હોય છે,

આપણા એના વિશે આધાર નોખા હોય છે,

પ્રેમ ના મહેબુબ કયાં વિસ્તાર નોખા હોય છે,

હા નથી મળતી મજા પહેલા સમય જેવી જ પણ,

કયાં કદી વરસાદ ના અંધાર નોખા હોય છે,

તારી આંખો મા હું પામું મારા મનમા ખોજ તું,

આપણા મક્કા અને હરદ્વાર નોખા હોઇ છે,

પામતા આવ્યા છે સૌ મનવંતરો થી બસ સજા,

દર વખત હે જિવ કારાગાર નોખા હોય છે,

કેટલી નાજુક કલાનો છે નમુનો આ જગત,

તત્વ એક જ હોય છે આકાર નોખા હોય છે,

તત્વ એક જ હોય છે આકાર નોખા હોય છે,

પ્રેમના 'મહેબુબ' કયાં વિસ્તાર નોખા હોય છે.