ઊગ્યું પરોઢ
ઊગ્યું પરોઢ
આથમતો શશી ને ઊગતો દિવાકર,
અવનીએ પ્રકાશ પૂર્ણ પાથરવા કાજે,
ઊગ્યું પરોઢ ને આથમતી રજની,
પંખી ઊડી રહ્યા માળેથી આકાશે,
કિલ્લોલ કરતાં અવનીથી આભે,
નીસર્યા છે, એ ચણ ચણવાને કાજે,
પ્રભાકર જોડી સપ્ત ઘોડલા રથે,
નીકળ્યા છે પ્રથમીની પરક્રમ્મા કાજે,
કેવી કરામતી કેવી કળા કારીગરી,
કે, વહોરી આ પરિક્રમા સૃષ્ટિને કાજે,
ઊગતા ભાનુને સહુ કોઈ પૂજે,
કે, સવિતા, જીવો પર મહેરબાન થાજે,
દેવાને પૃથ્વી પર અન્ન ને પાણી,
દેવા સહુ જનોને પ્રકાશપુંજ રાજે.