ચુંબકીય

તમારી આંખોનું આકર્ષણ ચુંબકીય લાગે છે,

તમારી વાતોના શબ્દો ચુંબકીય લાગે છે,

તમારી મુહોબ્બતમાં પડી છું જયારથી,

એ મુહોબ્બતનો અહેસાસ પણ ચુંબકીય લાગે છે,

મળવાનું તો હતું જ પહેલેથી નસીબમાં,

ખરેખર એ નસીબ ઘડનારો ચુંબકીય લાગે છે,

જગતની મને હવે પરવા રહી નથી,

તારો આ સાથ સહકાર મને ચુંબકીય લાગે છે,

જિંદગી બદલાઈ ગઈ છે તારા હોવાથી,

સપનાંઓ સાચા ઠર્યા એ ચુંબકીય લાગે છે,

આજીવન તમારી જ બનીને રહેવા માંગું છું,

સાત જન્મોનું પવિત્ર બંધન ચુંબકીય લાગે છે.