ઘડપણમાં મજા નથી

બાળક બની ફરી જીવવા દો,

આ ઘડપણમાં હવે કંઈ મજા નથી,

બે પાંચ ભાઈબંધોની જોડી હતી,

છું હવે એકલો છોડી સૌ ચાલ્યાં ગયા,

બાળક બની ફરી જીવવા દો,

આ ઘડપણમાં હવે કંઈ મજા નથી,

દુનિયા દેખતો આંખથી યુવાનીમાં,

હવે જાંજામાંજા જેવું ચિત્ર નિહાળતો,

બાળક બની ફરી જીવવા દો,

આ ઘડપણમાં હવે કંઈ મજા નથી,

હતો નાનો, ઘરમાં ચારેકોર ફરતો,

હવે ખાટલામાં પડ્યો છું એક ખૂણામાં,

બાળક બની ફરી જીવવા દો,

આ ઘડપણમાં હવે કંઈ મજા નથી,

વાત ક્યાંક મારી થતી, કાન ચમકી ઊઠતાં,

હવે ભજન કીર્તન સાંભળવા કાન નથી,

બાળક બની ફરી જીવવા દો,

આ ઘડપણમાં હવે કંઈ મજા નથી,

આંગળીના ટેકે ચાલતાં શીખ્યો હતો,

હવે લાકડીનો ટેકો લઈ ચાલવું પડે છે,

બાળક બની ફરી જીવવા દો,

આ ઘડપણમાં હવે કંઈ મજા નથી,

બાળક હતાં ત્યારે સૌ હાજર રહેતાં,

હવે વૃદ્ધનો હાલ પૂછવા કોઈ આવતું નથી,

બાળક બની ફરી જીવવા દો,

આ ઘડપણમાં હવે કંઈ મજા નથી,

હતું બધું હેમખેમ શરીરમાં તો બધું હતું,

શરીરે ગુમાવ્યું સર્વસ્વ, હવે જીવવા કંઈ નથી,

બાળક બની ફરી જીવવા દો,

આ ઘડપણમાં હવે કંઈ મજા નથી,

ખૂબ કર્યા છે અમે કામ જીવન ગાળવા,

દિ અંતના "પ્રવાહ" હવે એકલા જતાં નથી.