ઘાયલ

આંસુઓ સૂકાઈ જાય એટલું રોવડાવીશ નહીંં

અહેસાસ છૂટી જાય એવો પ્રેમ કરીશ નહીંં !

આંગળીના ટેરવા રોજ રિસાઈ જાય છે એ ક્ષણમાં,

એ ઘાયલ ટેરવા રોજ એટલા દબાવીશ નહીં !

તૂટી જવાય છે રોજ એક દિલ ને સમજાવીને 

જગ્યા વગરનાં છેદ એમાં રોજ કરીશ નહીં હવે !

હારી જવાય છે રોજ એ પ્રેમની પરીક્ષામાં,

ગણતરી મારી જીતની રહી નથી હવે !

તારા દરેક શબ્દો હવે તીર લાગે છે,

જે રોજ મારા શરીરને વીંધે છે !

રિસાઈ નથી શકતી એ જોડેલી કડીથી

ખુદને જ મનાવવાની આદત પાડી છે હવે !

જીવી રહી છું, જીવી ગઈ છું,

ખુદને મનાવી લીધી છે જિંદગીથી, 

આંસુઓનો બરફ બનાવી આગળ વધી રહી છું હવે !