એઈ! તું ક્યાં જાય છે ?
એઈ! તું ક્યાં જાય છે ?
મન પુછે છે મારું
"એઈ! તું ક્યાં જાય છે?"
સ્મિત ચેહેરા પર દેખાય છે
દુ:ખ તો મનમાં જ છુપાય છે
છતાએ આંખોમાં છપાય છે
હવે આનો શું ઉપાય છે?
મન પુછે છે મારું_
"એઈ! તું ક્યાં જાય છે?"
મનની છે ઘણી વાતો
અમુક વાતો બેધડક કહી દેવાય છે
અમુક વાતો મનમાં જ સહેવાય છે
પણ અમુક વાતો તો એવી છે
જે કહ્યા વગર પણ ક્યાં રહેવાય છે?
મન પુછે છે મારું
"એઈ! તું ક્યા જાય છે?"
નાનપણમાં જે વડીલો કહે એમ જ થાય છે
જુવાનીમાં જે સાથીદાર કહે એમ જ થાય છે
ઘડપણમાં પણ જે નવી પેઢી કહે એમ જ થાય છે
તો પછી સ્વેચ્છાએ ક્યારે જીવાય છે?
મન પુછે છે મારું
"એઈ! તું ક્યા જાય છે?"
આ જિંદગીનાં રંગમંચ પર
એન્ટ્રી છે, એક્ઝિટ પણ થાય છે
પણ એક જ કલાકાર દ્વારા
પાત્રો કેટલાય ભજવાય છે !
પણ પોતાનો રોલ ક્યાં સમજાય છે?
મન પુછે છે મારું
"એઈ! તું ક્યા જાય છે?"