દર્દ દિવાનો

ચાહતો હતો હું દિલથી તુજને, 

કેમ નારાજ થઈ તું મારાથી ?

પ્રેમભર્યું મારૂં દિલ તોડીને,

કેમ દૂર થઈ ગઈ તું મારાથી ?

કઈ ભૂલ થઈ હતી વાલમ મારી ? 

તું રિસાઈ ગઈ કઈ બાબતથી ?

સપનાંઓનો મહેલ મારો તોડીને,

કેમ દૂર થઈ ગઈ તું મારાથી ?

વસંત પ્રેમની ખીલી હતી મારી,

તેને પાનખર કેમ બનાવી દીધી ?

જીવનનો પ્રેમનો દીપ બૂઝાવીને,

કેમ દૂર થઈ ગઈ તું મારાથી ?

પ્રેમની ગઝલ મે ગાઈ હતી તારી,

તેને બેસૂરી કેમ તે બનાવી દીધી ?

નફરતના તાલનું તેમાં વાદન કરીને,

કેમ દૂર થઈ ગઈ તું મારાથી ?

સળગી રહ્યો છું નફરતની આગથી,

જખ્મી બન્યો છું હું તારા વર્તનથી, 

દર્દ દિવાનો હું બન્યો છું "મુરલી",

કેમ દૂર થઈ ગઈ તું મારાથી ?