દિલની વાતો એની સાથે કરી લેજે

કોઈ મળે પોતાનું તો, હાથ એનો થામી લેજે,

પળ બે પળ દિલની વાતો એની સાથે કરી લેજે,

હાથમાંથી સરી ગયેલો સમય ફરી નહીં મળે,

પોતાના લોકો સાથે યાદગાર સમય વીતાવી લેજે,

જિંદગી તો પાણીનાં રેલા માફક વહેતી રહેવાની,

બસ મળે કોઈ ગમતીલું તો હાથ પકડી લેજે,

ના ગમે એવી વાતોને અલવિદા કહી દેજે,

ગમતી વાતોને લોકો સમક્ષ રજૂ કરી લેજે,

જીવનમાં સુખ દુઃખ તો આવશે ને જશે,

બસ થોડી યાદગાર પળો તું સર્જી લેજે,

ધન, દોલત, ગાડી, બંગલા કશું સાથે નહીં આવે તારે,

કરેલા કર્મો સાથે આવશે, માટે ઈશ્વર સ્મરણ કરી લેજે.