દિલની વાત
દિલની વાત
1 min
207
અનેક આઘાતો સહીને તુય પથ્થર બની ગયું,
ધબકે છે તું માણસમાં તોય ઈશ્વર બની ગયું !
ચાલતું રહે છે તું સતત, ના જુએ છે સમયને,
ને એક દિવસ સાવ અચાનક નશ્વર બની ગયું !
જેમને તે ચાહ્યા તેમને રહેવા તારું ઘર આપ્યું,
એ બલિદાન પણ જુઓ બેઅસર બની ગયું !
સાવ ખોબા જેવડું તું છે છતાં કેટલું વિશાળ,
મારી લાગણીઓનું તું જાણે સમંદર બની ગયું !
જગતના લોકો છોડી જાય છે તને કાયમ એથી,
હૃદય, તું એક સુમસામ વસેલું શહેર બની ગયું !