ધૂળ ખંખેરીએ
ધૂળ ખંખેરીએ
ચાલને આ જૂની રીતરસમોની ધૂળ ખંખેરીએ,
તું આ કર અને આ ના કરની ધૂળ ખંખેરીએ,
ક્યાં સુધી આવા વળગણોને વળગેલા રહીશું ?
કયારેક થોડા રૂઢિ રિવાજોની ધૂળ ખંખેરીએ,
જન્મતાની સાથે એ બાંધે છે પરંપરાને હદમાં,
એ કેટલીક દ્રઢ માન્યતાઓની ધૂળ ખંખેરીએ,
દ્રૌપદીનું પાંચમાં વહેંચાવુંને સીતાનો વનવાસ,
એ મૌન સભા, પાસાને વચનની ધૂળ ખંખેરીએ,
અસ્તિત્વ મારું માટી અને ઈતિહાસની કહાની,
ધર્મ અધર્મ, ગ્રંથ અને પોથીની ધૂળ ખંખેરીએ !