દેશ છે આપણો

ભલે અનન્ય...ધર્મો સ્થાપનારો;

છતાં સૌથી ઊંચો માણસાઈનો ધર્મ પાળનારો,

દેશ છે આપણો...

ભલે અનેક પ્રાંતો ધરાવતો;

સાથે સમાનતાનો અખંડ 'ભારત'

દેશ છે આપણો...

ભલે અનેક જાતિય સમૂહને ધરાવતો;

પણ 'ભારતમાતા'ના પુત્રો છીએ,

એવું કહેનારો દેશ છે આપણો...

ભલે અનેક જાતિના પોશાકો ભિન્ન;

સાથે રાષ્ટ્રધ્વજ ને પણ માન આપનારો,

દેશ છે આપણો....

ભલે અનેક સંસ્કૃતિ ધરાવનારો;

પણ અનન્ય... કલામાં શિખરે પહોંચતો,

દેશ છે આપણો...

ભલે અનેક ભગવાનને માનનારો;

અંતે માનવીમાં પ્રભુ દર્શન કરનારો

 દેશ છે આપણો...

ભલે ઝઘડા-કંકાસ કરનારો;

સાથે પ્રભુચરણમાં મુક્તિ મેળવનારો

 દેશ છે આપણો...

ભલે અનેક જાતિ-રિવાજોના ગીતો ગાનારો;

સાથે રાષ્ટ્રગીતને ન ભૂલનારો

 દેશ છે આપણો...

ભલે વિદેશમાં જઈને અભ્યાસ કરનારો;

કરી અભ્યાસ દેશમાં પરિવર્તન લાવનારો

 દેશ છે આપણો...

ભલે 'ઈષ્ટદેવતા'ને નમતો;

પણ 'ભારતમાતા' સલામ કરતો

 દેશ છે આપણો...

ભલે દેશના પડ્યા ભાગલા;

છતાં દેશો-દુનિયાના લોકોને એકતામાં રાખનારો

 દેશ છે આપણો...

ભલે અનેક તહેવારોમાં મોજીલો બનતો;

સાથે સ્વાતંત્ર્યદિનની ઉજવણી કરતો

 દેશ છે આપણો...

ભલે ગરીબ દેશ કહેવાયો;

પણ દીન-દુ:ખીયાને સહારો આપતો

ગૌરવવંતો દેશ છે આપણો...

ભલે છપ્પન ભોજનીયા આરોગતો;

સાથે બીજાને પહેલા જમાડી જમતો

દેશ છે આપણો...

પ્રજાનું કલ્યાણ કરતો;

ને દેશને નામે બલિદાન દેતો

દેશ છે આપણો...

ભલે 'ધરા'પર આવાસ બનાવી વસનારો;

પણ સમાજને પરિવાર સમજી રહેનારો

દેશ છે આપણો.