ચોકલેટની દિવાની

ચોધાર આંસુડે રડતાં બાળકનાં ચહેરા પર સ્મિત ફરકાવે,

તાકાત એક નાનકડી ચોકલેટની, શું જબરી કમાલ બતાવે !

પારલે, કિસમી, મેલોડી, એકલેયર્સ એવું તો મન લલચાવે,

કિટકેટ, ફાઈવસ્ટાર, ડેરીમિલ્ક સ્વાદની દુનિયામાં સરકાવે !

મૂકતાં જ મોમાં પીગળી ચોકલેટ ચિંતાનાં ડુંગર પીગળાવે,

આબાલ વૃદ્ધની લાડકી સૌના દિલોદિમાગ પર રાજ ચલાવે !

પાંચથી પાંચસો કે દસથી દસહજાર, પાઈનો ફરક ન આવે,

બેફિકર ચોકલેટ મહેલથી ગરીબનાં ઝૂંપડે લટાર મારી આવે !

મ્હાત કર્યા એણે સોના ચાંદી, લોકો ચોકલેટ શોરૂમ બનાવે,

અવનવા રંગીન રેપરમાં લપેટાઈ મમ્મીઓનાં ફ્રીઝ સજાવે !

હૈયા સંગ હૈયાનાં તાર ચુટકીમાં જોડી પ્રેમ મિલન સધાવે,

ખુશીઓનો ફેલાવો કરી માનવતાનું કાજ ચોકલેટ બજાવે !

મીઠાઈઓમાં અવ્વલ ચોકલેટ મીઠાઈની મહારાણી કહાવે,

ચોકલેટ દિવાની 'દીપાવલી'નું મન માત્ર ચોકલેટ રિઝાવે !