છત્રી

વરસાદના વ્હાલ વચ્ચે,

રંગીન છત્રીની છત્રછાયામાં,

બે કાગડા વિચારી રહ્યા હતા,

આ છત્રી 'કાગડો' થઈ જાશે તો ?

***

આંખ મીંચી ત્યાં તો

એક ડાળખી બની ગઈ વટવૃક્ષ,

ત્યાંજ શમણાંએ બારણું ખખડાવ્યું !

કમાડ ઉઘાડું ત્યાં જ,

પેલા વૃક્ષની એકે'ક ડાળખી વિખરાઈ ગયેલી....

***

છત્રછાયા ગુમાવેલ બે ટહૂકાઓ હજીયે ફટાણાં ગાઈ રહ્યાં છે...

પણ હું વ્યસ્ત છું કમાડ ઉઘાડવામાં !

***

વાદળ પલળી ગયાં છે

અંગેઅંગથી

પરી થઈ આપી આવું

છત્રી ?

આવતી વેળા મને કોણ આપશે ?