છે તું મારી

જોને દિલમાં મારા કેવું રમખાણ છે,

છે તું મારી તોય માગે એ પ્રમાણ છે.

સઘળી ખુશી છે તારી માત્ર મારા થકી,

એ વાતની તો એને ય સારી પેઠે જાણ છે.

ઉતારે છે તું મારો એહસાસ શબ્દોમાં,

જાણે તારી કવિતાનો એજ પ્રાણ છે.

તોય ગમે એને તારા મુખે આ સાંભળવું,

તેથી મચાવે અવિરત પ્રશ્નોનું ઘમસાણ છે.

અખંડ બ્રહ્માંડમાં તારી લાગણીઓ સ્મરું,

મારી લાગણીને તારી એવી ઓળખાણ છે, 

ટીપે ટીપે સરોવર ભરાય આપણા પ્રેમનું,

એમાં ડૂબતા રહેવું જોઈએ એ જાણ છે. 

અનંત ક્ષિતિજની જેમ છે તારી ચાહત,

હૈયું મારું હવે એમાં જ રમમાણ છે.

ગમે છે તારા વિચારોમાં રત રહેવું મનને,

હવે તું જ જીવન ને તું જ એનો પ્રાણ છે.