છે હાથમાં હાથ

ન હો નયનજ્યોત તો એકલપંડે પથ લંબાય છે,

હો સંગાથીનો સાથ, આસાનીથી ડગ ભરાય છે,

રસ્તાઓ એકલપંડે તો હાંફભર્યા ડગલે કપાય છે,

હો સંગાથી તો આ રસ્તાઓ મન ભરી જીવાય છે,

આખરે છે ખામી ચર્મ ચક્ષુની તો હૃદય વિલાય છે,

હો સંગાથી, બંધ આંખે ઉરમાં ઉજાસ જણાય છે,

ન હો ચર્મચક્ષુ તો નિજ વિશ્વમાં અંધકાર ફેલાય છે,

હો સંગાથીનો હાથમાં હાથ, મન:ચક્ષુ ખુલી જાય છે,

પ્રજ્ઞાચક્ષુ ખુલતાં જ હૃદયમાં દિવ્ય પ્રેમ જીલાય છે,

હો સંગાથી, નયનરમ્ય આ સૃષ્ટિ હૃદયરમ્ય દેખાય છે,

આંતરચક્ષુનાં પ્રકાશમાં ઉણપ નિજ તનની ઢંકાય છે,

હો સંગાથી, જીવનમાં બારેમાસ 'દીપાવલી' થાય છે.