ચાલને રંગો સાથે રમીએ !
ચાલને રંગો સાથે રમીએ !
ચાલને રંગો સાથે રમીએ !
લઈ પીંછી પર ટીપા બે-ત્રણ, કોરો કાગળ રંગી દઈએ !
ચાલને રંગો સાથે રમીએ !
તું લાવજે લાલ- કસુંબલ, રાતોચોળો તારા હોઠનો ટીપાં જેટલો રંગ !
સિંદુર પુરાશે એટલો લાવી રંગ , હું આપીશ મારો મીઠો-મીઠો સંગ !
બેઉ મળીને જીવતર કેરા કાગળ ઉપર 'ઘર' જેવું ચીતરીએ.....
ચાલને રંગો સાથે રમીએ !
કાગળીયાના ઘરમાં ગુંજવીએ રાતી-રાતી, કાબરચીતરી મેનાનું સંગીત !
કોણ કહે પછી આ કાગળીયું છે? એ તો સ્નેહી તારી મારી મીત !
તારા રે પાલવડે ઢોળેલો રંગ ફરીથી હળવે-હળવે ભરીએ....
ચાલને રંગો સાથે રમીએ !