ચાલને એકમેકમાં ઓગળતા રહીએ
ચાલને એકમેકમાં ઓગળતા રહીએ
ચાલ ને રંગ રસિયા,
એકબીજાના રંગે રંગાઈ જઈએ,
હું અને તું એકબીજામાં રહીએ
હું તારામાં અને તું મારામાં,
હું ખળખળ વહેતી નદીને
તું સમંદર મારી
હું ફૂલ ને
તું મહેકતી ખુશ્બુ મારી,
હું હૃદય ને
તું ધડકન મારી
હું આકાશ ને
તું ચમકતો ચાંદ મારો,
હું સોનેરી કિરણ ને
તું ઝગમગતો સૂરજ મારો
તારી સાથે ઊગુ ને
તારી સાથે અસ્ત થાઉં,
એકબીજાનો હાથ અને સાથ આપતા રહીએ
એકમેકને ગમતા રહીએ
એકમેકમાં ઓગળતા રહીએ
જીવનનો જશ્ન માનવતા રહીએ.