ચાલ જીવી લઈએ..
ચાલ જીવી લઈએ..
ઘડપણની ફરિયાદો ભૂલી જઈને,
એકબીજાનો હાથ પકડી ચાલ જીવી લઈએ.
જીવનમાં સાથે જોયેલા એ રંગીન સપના,
સપનાનાં એ મહેલ ચણવા ચાલ જીવી લઈએ.
બે અંતિમ ચરમ બિંદુઓ વચ્ચે પીસાતી આ જીંદગીને,
પરસ્પરની ભાવના સમજી ચાલ જીવી લઈએ.
શ્ચાસોશ્ચાસ બંધ થાય એ પહેલાં,
આપણા અસ્તિત્વમાં ચાલ જીવી લઈએ.
તારુ મારુ ભુલી જઈને સહિયારુ બનાવીએ,
સાચી સમજણ કેળવીને ચાલ જીવી લઈએ.
સૂકાઈ ગયેલી એ સ્નેહની સરવણીઓને,
છલોછલ એ સ્નેહમાં ચાલ જીવી લઈએ....!