બતાવ તારું શાણપણ

થયો છે સમજુ, આવ્યું છે ડહાપણ,

બંધુ, હવે તો બતાવ તારું શાણપણ !

રહ્યો છે કરી કોરોના અહીં નરભક્ષણ,

બંધુ, હવે તો કરાવ તારું પરીક્ષણ !

લાગી શકે છે ચેપ, ભેગુ થૈ મહેરામણ,

બંધુ, હવે તો તાક રસ્તો તારા ઘરભણ ! 

ફેલાઈ શકે છે કો-વિષ હવામાં હરક્ષણ,

બંધુ, હવે તો પહેરી લે માસ્ક તત્ક્ષણ !

મળી શકે છે તને, વણનોતર્યું આ ભારણ,

બંધુ, હવે તો કર સેનિટાઈઝ વાતાાવરણ !

ફેેલાઈ શકે છે આ મહામારી થૈ સંક્રમણ, 

બંધુ, હવે તો ધોઈને હાથ ભગાવ રજકણ !

આવી શકે છે, આ કોવિડ-19નું ઘડપણ,

બંધુ, હવે તો બતાવ તારું યુવા ઐકપણ !

થયો છે સમજુ, આવ્યું છે ડહાપણ,

બંધુ, હવે તો બતાવ તારું શાણપણ !