બળાત્કાર
બળાત્કાર
કયાં સુધી મારા દેશની દીકરીઓ પર આ બળાત્કાર થાશે,
હવે આ આરોપીનો કેટકેટલો તો અહીં સત્કાર થાશે,
હતી તે એક ભાઈની બેન તો એક બાપની લાડકી દીકરી,
અહીં ક્યાં સુધી બિચારી પીડિતાને ધિક્કાર થાશે ?
એક વાર, બે વાર એમ ગુનેગારને કેટલી સજા માફ થાશે,
એક દીકરીના મરણ બાદ જ રસ્તાઓ ચિક્કાર થાશે,
એ નાદાન બાળકને ક્યાં ખબર હતી દુનિયા એને લૂંટશે,
અહીં તો કોઈ વિશ્વાસુ જ ઘરનો ભેદી બની મક્કાર થાશે,
આપો એવી સજા કે કોઈ દીકરી સામે જોતા વિચાર કરે,
કરે એની જ જાતને વચ બજારમાં ખુદની ફિટકાર થાશે.