બની ગયો

મારો પડછાયો મને મળી ગયો,

રહ્યો હું ઊભો તો એ કળી ગયો,

આશા કેમ મારી નઠારી નીવડી ?

તારી ખોજમાં ભીતર ભળી ગયો,

 

સાંભળ, ના આપ ખોટા દિલાસા,

આવે દુઃખ તુજને હું ગળી ગયો,

આપવા મને માત કેમ મથ્યા કરે ?

છે વિશ્વાસ કે હું તારો બની ગયો,

હો ઈચ્છાઓ કેટકેટલી ઘૂઘવાશે ?

મળે જો વચ માર્ગે, હું ફળી ગયો,

એકાંતે રહેવાની ટેવ છે કાયમની,

આવે મુજ ઘરે, હૈયે પ્રવેશી ગયો,

જીવી રહ્યો છું જીવંતે, રસહીન !

'દુશ્મન' પોતે પ્રગટી બળી ગયો.