બે વૃદ્ધોનો પ્રેમ

કોરોના આયો રે આયો રે, આયો રે !

હાલો આપણ બે ને તો મઝા પડી !

કાલથી તારે કામે જવાનું બંધ હોં !

કાલથી મારે બહાર જવાનું બંધ !

આપણ બે આપણા ઘરમાં જ કેદ !

આ તે સજા કહેવાય કે મજા કહેવાય ?

આમેય આપણે વૃધ્ધ, સજાની મજા માણીએ,

આજથી તું મારામાં હું તારામાં ઓતપ્રોત !

સવાર પડી ચા, ગરમ નાસ્તો ડ્રાયફ્રુટ

અને ફ્રેશફ્રુટની જ્યાફત ઉડાવીએ !

પછી કરીએ પ્રાણાયામ ને યોગાબોગા !

તું મંડી પડ વ્યાયામ અને મુદ્રા કરવા !

હું કરું પૂજાપાઠ ને તારે માટે અન્નસેવા !

ચાલ પછી લઈએ સહભોજનની મોજ !

તું આગ્રહ કરી કરીને જમાડ મને અને

હું નીરખું ને પીરસું હેતથી ને જમાડું તને !

બપોર પડે ને કરીએ વામ કુક્ષી !

તું વાંચ તારા છાપા ને ચોપડા,

હું મારું સખીઓ સાથે ગપાસપા !

પછી ચાપાણી નાસ્તાનાં જલસા.

હવે કેરમ બોર્ડ તૈયાર છે કુકડીઓ પ

ગોઠવાઈ છે સામસામે કરીએ ફોડ !

સાંજ પડે દીવો કરી ચાલુ કરીએ ટીવી.

તું જો સમાચાર ને હું તો જોઈશ મુવી !

પત્તાની બાજી તો વીસરાય જ નહિ

હારજીત રિસામણા મનામણા તો ખરા જ !

રાત્રિભોજન જલદી જલદી લઈએ કરી

અને રાત્રે મિત્રો સાથે રમીએ અંતાક્ષરી !

સત્સંગ ધર્મયાત્રા વોટ્સઅપ પર જોઈએ

પ્રભુને યાદ કરી એકમેકની સોડમાં સૂઈએ.

વાહરે કોરોના વાહ તું શ્રાપ કે આશીર્વાદ

અમે તો અમારી મસ્તીમાં ગુલતાન !