બચપણ

પ્રગટતો દીપક ને દિલમાં થતો ઉજાસ

જિંદગીને મળતી એક નવી આશ,

ક્યારેક બેસી જવું જવું થાકી-હારીને

નહીં જવું એ રાહમાં કોઈ દિવસ,

રહેતો એ નિર્ણય ફક્ત પળનો

બીજી પળે ફરી હૃદયમાં પ્રગટતો ઉલ્લાસ,

ટહુકો એ કોયલનો દે તો મને સાદ

દોડી જવું એ આંબાવાડીમાં રહેશે મને યાદ,

ક્યારેક લડવું, ક્યારેક ઝઘડવું,

બીજી જ પળમાં રોઈ પડવું,

તો ક્યારેક રડતાં રડતાં હસી પડવું

ને આપવા પ્રેરણાના અમી નીર,

ના ભૂલાય કદી એ દિવસો

ફરિયાદ હંમેશ કરીશ તુજને,

જો ન દઈ શકે તું એ ખુશી ફરી

તો નથી હક તુજને લેવાનો છીનવી.