બાર મેઘ
બાર મેઘ
ફરફર ફોરાં છાંટણા ને વળી કરા કેરા કર્ય દેહ,
પછેડીવામાં શું પાલવે હવે નેવાધારથી નેહ,
ખાંગા કર્ય મારા ખેતરે બાવલીયા બારે મેહ,
કેમ કરી તને કળવો કા'ના તારા કામણગારા દેહ.
મોલમેહની માગ્યું મારી અનરાધારથી નેહ,
મુશળધાર આવીને માધા ઢેફાભાંગી દેહ,
ખાંગા કર્ય મારા ખેતરે બાવલીયા બારે મેહ,
કેમ કરી તને કળવો કા'ના તારા કામણગારા દેહ.
પાણમેહ પરવરહે હવે હરી હેલી માંડી દેહ,
પરમાર્થ કેરા કારણીયે કા'ના કામણ કર્ય મારે દેહ,
ખાંગા કર્ય મારા ખેતરે બાવલીયા બારે મેહ,
કેમ કરી તને કળવો કા'ના તારા કામણગરા દેહ.