બાળપણની રમત

ન વિસરાયેલી બાળપણની યાદ,

રમતો અમારી આવે યાદ,

નાનપણમાં અડકો દડકો, ફેરફૂદરડી,

ચકી ઊડે ફર્.... રમતો કેવી મજાની !

ગલીમાં પૈડું ફેરવતા કેવી યાદ !

ધમાલ ગોટો, આંધળો પાટો ને,

સાત તાલીની આવે યાદ !

નાગેલ મોઈ દાંડીયા મજાના,

રમત જાણે ખુશીના ખજાના,

પતંગ જાણે પાંખો ફૂટી,

ઊડી આકાશે કેવી યાદ,

ઠેરી બાકસની છાપ,

માટીનાં જાતે બનાવેલ રમકડાં,

રામામંડળની આવે યાદ,

કૂવો નદીને તળાવ પાળે,

બાળપણ રમે પ્રકૃતિ ખોળે,

સાદગી સમર્પણને ઐક્ય ભાવે,

ગુંથાતા સખડા રમત આવે.