અવઢવ અને ઉકેલ

સરરરર......

પવનના સપાટા ને વર્ષાના ઝપાટામાં,

તમામ ચેતવણી અવગણી,

બહાર નીકળવું નહોતું, છતાંય નીકળ્યો !

તોફાનમાં....!

ઘરેથી આજ્ઞા હતી કે',

ખાવાનો રંગ (કલર) લઈ આવો ઝટ !

હજુ સવારે જ એ કંઇક ખરીદી લાવ્યાં હતાં !

કોઈ સ્વાદિષ્ટ વ્યંજન કરવાનું હશે તે,

'ને એને દર્શનીય બનાવવું હશે...!

હવે, છૂટકો નહોતો, નીકળ્યો, પહોંચ્યો દુકાને,

ત્યાં એના દામ - આઠ રૂપિયા,

ખિસ્સામાંથી, નીકળ્યા પાંચસો !

તદ્દન નવી નોટ !

આઠ માટે પાંચસોનો ઠાઠ,

બે શ્વાન, પટપટતા આવ્યા, બિસ્કિટની લાલચે !

પાર્લરવાળા પાસેથી બે પેકેટ લઈ - પીરસ્યા, 

પૈસા બાકી ખાતે,

બાજુમાં શાકભાજીવાળા ને ત્યાંય, થયું એમ જ,

દૂધની દુકાને, એક થેલી, પાછા બત્રીસ, બાકી સ્તો !

રંગ, બિસ્કીટ, શાકભાજી અને દૂધ - લેણદાર ચાર !

યાદ રાખવાના, મારે, આપવા માટે !

મેં શાકભાજી દુકાનેથી જરૂરી રોકડા, 

શાખે લીધા,

બાકીના ત્રણનું ચૂકતે કર્યું,

ઠાઠ - પાંચસોનો એમ ને એમ રહ્યો,

વાવાઝોડાએ શીખવ્યું......

કોઈ એક પર ઉધાર, રાખવો નહિ !