અંગતતાથી પીડાઉં છું

ઓળખે મને બધા તે ચાહું કે,

                 ખુદ ને ઓળખતા ગભરાઉં છું,

જમાનો ચિતરે છે ચરિત્ર મારુ અને 

                 હું મારી અંગતતાથી પીડાઉં છું.

વાત છે જીવવાની મરજીથી તો,

                 શીદ ને સમાજથી શરમાઉં છું,

દફનાવી જીવતી ઝંખનાઓને ક્બરમાં,

                  હું મારી અંગતતાથી પીડાઉં છું.

માનું છું તેનું માનું છું તારુ, 

                 માત્ર ખુદનો મત લેતા ખચકાઉં છું,

ભાંગ્યો ભેખ ભજવતા સબંધોમાં, 

                 હું મારી અંગતતાથી પીડાઉં છું.

શીખી બહારથી સ્મિત રેલાવતા, 

                 જો અંદરથી કેવો કરમાઉં છું,

છું હત્યારો હું મારો જ કદાચ, 

                  હું મારી અંગતતાથી પીડાઉં છું.