અલવિદા

ન જોવડાવીશ વાટ તું મુજને,

ન કર નિરાશ તું મુજને, 

જ્યારે તું મળવા આવીશ ત્યારે,

હુ કદી નહીં મળી શકું તુજને.

ન હવે તડપાવીશ તું મુજને,

ન તરસાવીશ તું મુજને,

જ્યારે તને ભૂલ સમજાશે ત્યારે,

હું છોડીને ચાલ્યો ગયો હોઈશ તુજને.

ન પ્રેમની આગમાં સળગાવીશ મુજને,

ન વિરહમાં ધકેલીશ તું મુજને,

જ્યારે તને અફસોસ થશે ત્યારે,

હું નફરત કરતો થઈ ગયો હોઈશ તુજને.

ન હવે ચહેરો હું દેખાડી શકીશ તુજને, 

ન તું કદી જોઈ શકીશ મુજને,

જ્યારે તું મુજને શોધવા આવીશ "મુરલી",

હું અલવિદા કરી ગયો હોઈશ તુજને.