આવું કંઈક ય થાય ?

કોઈએ વિચાર્યુ'તું કોઈ દિ કે આવુ કંઈક ય થાય ?

માણસ માણસ ના મળવાથી વિનાશ સર્જાઈ જાય, 

કોઈને મદદ કરવાના વિચારો તો આવે, 

પણ એક ઊંડા શ્વાસ પછી એ વિચારો ય રોકાઈ જાય, 

જીવનમાં દયા-ભાવના ના પાઠ તો ઘણા શીખ્યા, 

પણ એ દયા પણ એક બેદરકારીમાં ફેરવાઈ જાય,

કોઈને સાંત્વના દેવા હાથ તો આગળ વધે, 

પણ આગળ વધતાની સાથે જ એ રોકાઈ જાય,

કોઈને હુંફાળો પ્રેમ આપી સાથ દેવાનું તો ઘણું શીખ્યા, 

પણ કોઈ માણસને હૂંફ આપવા અડવાથી મહામારી સર્જાય જાય,

કોઈએ વિચાર્યુ'તું કોઈ દિ કે આવું કંઈક ય થાય ?

માણસ માણસ ના મળવાથી વિનાશ સર્જાઈ જાય.