આવરણ અલગ છે
આવરણ અલગ છે
ક્યાં છે જીવાતી જિંદગી એક જેવી, મરણ પણ અલગ છે;
ઘટના એક જ હો ભલે, તારા ને મારા સ્મરણ અલગ છે !
આંખો ઉપર પાંપણોના દરવાજાઓ, ભીતરમાં છૂપાયેલા રાઝ;
આખી દુનિયા સપનાંઓની, ને પાણીમાં વિવરણ અલગ છે !
ક્યાંક ચુંબક જેવું, ક્યાંક ધૂળમાં પડતા છલકાતા જળ જેવું;
સાવ ધૂંધળા પડછાયાઓનું આકાર સાથે આકર્ષણ અલગ છે !
નશ્વર હોવું કે ઈશ્વર હોવું બંને બધી જ ઘટનાઓથી પર નથી;
શ્વાસો તો માત્ર નિમિત્ત છે, નિરંતર જીવનનું કારણ અલગ છે !
ધુમાડો આગમાંથી નીકળ્યા પછી સમીધ રાખ બની રહી જાય;
સ્મશાનમાં હોમાતા હર શરીરોનું હકીકતમાં અર્પણ અલગ છે !
આંખો અંધ હોવાથી હકીકતો બદલાઈ તો નથી જવાની કાળે;
પોતાના માટે એક ને બીજા માટે હર ચહેરાનું દર્પણ અલગ છે !
તર્પણ કરી દીધા પછી હર ઋણથી મુક્ત થઈ જવાતું હોત;
કોને ખબર હર ઘટનાઓ પાછળ કર્મોનું આવરણ અલગ છે !