માણસ નથી !
માણસ નથી !
પૈસાને સત્તાનો જેને રૂઆબ છે એ બધું છે માણસ નથી
તડફડમાં જેનો દરેક જવાબ છે એ બધું છે માણસ નથી
વાતવાતમાં પોતાની આપબડાઈ કરી પ્રશંસા કરતો ફરે છે
કોઈના ભોગે પૂરા કરે ખ્વાબ છે એ બધું છે માણસ નથી
ધર્મનો કરતો જે દેખાવને ભીતરે ભરપૂર ગંદકીનું રાજ છે
અવરને રંક ગણે પોતે નવાબ છે એ બધું છે માણસ નથી
શોષણ જેનો હોય મુદ્રાલેખ અભિમાનથી જે ચકચૂર છે
કિન્નાખોરીને બદલો અસબાબ છે એ બધું છે માણસ નથી
માત્ર પોતાનું વિચારીને જીવનની મહેફિલોને માણનાર છે,
શયતાનનો દઈ શકાય ઈલ્કાબ છે એ બધું છે માણસ નથી