એમ માણસ જોઈએ
એમ માણસ જોઈએ
શબ્દોનો હોબાળો નહિ, મન નિખાલસ જોઈએ;
દરેક સંબંધોમાં વ્યક્તિ પૂરેપૂરું સાલસ જોઈએ !
ક્યાં સુધી ઠેબા ખાતા રહેવું અંધારામાં અંધ બની;
જાતને જલાવી લેવાનું, જાત જેવું ફાનસ જોઈએ !
કેટલા ચહેરાઓ છે છેતરામણા મોહરા પહેરેલા;
સાવ સાચુકલું એકાદું તો એમ માણસ જોઈએ !
એ કેવું કે પોતે જ નિર્ણય લઈ લેવો ખુદાની હેસિયતથી;
મારી જિંદગીમાં એને મારાથી વધારે રસ જોઈએ !
એકાદ રોકાય તો રોકી જુઓ, આખીયે ક્ષણ જિંદગીની;
હર ક્ષણે જીવનને 'સ્વાહા' કહેવા કેટલું સાહસ જોઈએ !