આ દિલને સુકુન મળે

મારા સ્મિત પાછળ રહેલા દર્દને,

કોઈ ઓળખી શકે એવું મળી જાય તો,

આ દિલને સુકુંન મળે,

હું ચાલતી રહુ એકલી જીવનની ડગર પર,

પણ કોઈ સાચો હમસફર મળે તો,

આ દિલને સુકુન મળે,

અંદર ને અંદર મરતી રહી છું,

મારા અસ્તિત્વનું દર્પણ ફૂટી રહ્યું છે,

મારા અસ્તિત્વને જીવિત રાખનાર કોઈ મળે તો,

આ દિલને સુકુન મળે,

સુખ કરતા દુઃખ ઝાઝું છે,

દુઃખનું ઝેર એકલી જ પીધા કરું છું,

સુખ બમણું કરનાર કોઈ મળે તો,

આ દિલને સૂકુન મળે,

ઈચ્છાઓની કતલ કરી હૈયાના કબ્રસ્તાનમાં દફનાવી રહી છું,

ઈચ્છા પૂર્તિ કરનાર કોઈ મળે તો,

આ દિલને સુકુન મળે,

દિશાવિહીન જીવન જીવી રહી છું,

હોકાયંત્ર જેવી દિશા સૂચન કરનાર કોઈ મળે તો,આ દિલને સુકુન મળે,

ગમતું બધુજ છૂટી ગયું મારું,

આ ગમતા ને શોધી આપનાર કોઈ મળે તો,

આ દિલને સુકુન મળે,

જિંદગીના દિવસો જેમ તેમ પસાર કરી રહી છું,

મારી જિંદગીને કોઈ અર્થસભર બનાવનાર મળે તો,

આ દિલને સુકુન મળે.