దయ్యపు కల

కమలి, ఆఫీసు పనుల ఒత్తిడితో బాగా అలసిపోయి, హడావిడిగా ఇంటికి చేరుకుంది.

ఆ రోజు ఆఫీసులో పని భారం విపరీతంగా పెరిగింది.

ఇంటికి రాగానే గబగబా పనులన్నీ పూర్తి చేసి, భర్తకు ఫోన్ చేసింది.

"ఏవండీ, నేను బాగా అలసిపోయాను. పడుకొని నిద్రపోతున్నాను..

 మీరు వచ్చాక భోజనం చేసి వచ్చి పడుకోండి," అని చెప్పి, బెడ్‌రూమ్‌లోకి వెళ్ళింది.

 అలసటతో ఆమె వెంటనే గాఢ నిద్రలోకి జారుకుంది.

కమలి నిద్రలోకి జారుకోగానే, ఆమెకు ఒక్కసారిగా ఒక వింతైన, భయంకరమైన కల వచ్చింది.

ఆ కలలో, ఆమె తనను తాను ఒక చీకటి, భయంకరమైన స్మశానంలో చూసుకుంది.

చుట్టూ నిశ్శబ్దం, భయంకరమైన వాతావరణం.

 అక్కడ క్షుద్ర పూజలు జరుగుతున్నాయి, అగ్ని జ్వాలలు వింతగా నాట్యమాడుతున్నాయి.

ఆ స్మశానంలో ఉన్న ఒక మంత్రగాడు, తన తీక్షణమైన చూపులతో కమలిని చూసి, బలవంతంగా ఒక చోట కూర్చోబెట్టాడు.

ఆ మంత్రగాడు ఒక దయ్యాన్ని ఆమె వైపు పంపించాడు.

ఆ దయ్యం శక్తివంతంగా మారి, వికృతంగా నవ్వుతూ కమలి వైపు దూసుకొచ్చింది.

ఆ నవ్వు స్మశానమంతా ప్రతిధ్వనించి, ఆమె గుండెల్లో భయాన్ని నింపింది.

 ఆ దయ్యం కేవలం కమలిని మాత్రమే కాదు, ఆ మంత్రగాడిని కూడా వశపరచుకొని, క్షణాల్లో అతడిని చంపేసింది.

 దయ్యం యొక్క క్రూరత్వం, దాని వికృత రూపం కమలిని వణికించాయి.

ఆ దయ్యం అక్కడితో ఆగకుండా, సరాసరి కమలి ఇంటికి వచ్చి, ఆమె భర్త మీద దాడి చేయడానికి సిద్ధమైంది.

ఆ దృశ్యం చూసి కమలి భయంతో వణికిపోయింది.

 'వద్దు! వద్దు!' అని అరుస్తూ, ఒక్కసారిగా ఉలిక్కిపడి లేచింది.

నుదుట ముచ్చెమటలు పోశాయి, శరీరంపై రోమాలు నిక్కబొడుచుకున్నాయి.

 ఆ భయంకరమైన కలను తలుచుకొని ఆమె గుండె వేగంగా కొట్టుకుంటోంది.

మెల్లగా బెడ్‌రూమ్ నుండి బయటకు వచ్చేసరికి, ఆమె భర్త ప్రశాంతంగా భోజనం పెట్టుకుని తింటా ఉన్నాడు.

ఆ దృశ్యం చూసి కమలికి ఊపిరి పీల్చుకున్నంత పని అయింది.

 వెంటనే ఆవిడ భర్తకు సపర్యాలు చేయడం మొదలుపెట్టింది, ఆ పీడకల ప్రభావం నుండి బయటపడటానికి ప్రయత్నిస్తూ.