వాసన లేని పువ్వుల మాల
వాసన లేని పువ్వుల మాల
1 min
353
ఆమెకిష్టం అవి
పసుపు పచ్చగా ఉంటాయి
శుక్రవారం ఆమె ముఖంలా మెరుస్తాయి
వాడిపోయినట్లే ఉండవు
వాసన లేని పువ్వులు
అవంటే ఆమెకు మక్కువ
దేవుని పూజకు అవే మాలలు కట్టేది
వాటిని జడలో కూడా తురుముకునేది
ఎందుకు ఆ పూలంటే అంతిష్టం
ఆమె దగ్గర జవాబు లేదు
ఆలోచించింది
వాసన ఇచ్చి దేన్నో అవి గుర్తు చేయవు
వాసన లేవని అవి అందంగా లేకుండా ఉండవు
ఏ కోరికలూ లేని ఆమెలాగా
అవి కూడా రోజూ ఒకేలా ఉంటాయి
వాసన లేని పువ్వులు
ఆమెలా అందంగా ఏ బాదరబందీ లేకుండా
ఆమెతో ఉండిపోతాయి