తోడున్నది నీవుగా

కాలమాగి పోవాలని..కోరలేను అసలు..! 

ఈ రాత్రిని తెలవారగ..చెప్పలేను అసలు..! 

నీలికురుల నీడ చాటు..మేఘమెంత ముద్దు.. 

నా దాహం తీర్చమంటు..వేడలేను అసలు..! 

వేదించే శిశిరమేది..లేదన్నది నిజము.. 

మదికోకిల గీతమింక..పాడలేను అసలు..! 

నీ జతలో ఉన్నహాయి..ఇచ్చు స్వర్గమెచట.. 

ఈ వాడని చెలిమితోట..వీడలేను అసలు..

మనసుమించి మంచిపూవు..ఉన్నచోటు ఏదొ.. 

కదిలివెళ్ళు వసంతాన్ని..అడుగలేను అసలు..! 

తోడున్నది నీవేగా..శ్వాససాక్షి గాను.. 

నీ కరుణే దూరమైన..నిలువలేను అసలు..!