తనకు

ఒకవాడని చిలిపితనం..ఆభరణము తనకు..!
బంగరు వెన్నెల గనియే..నిజవాసము తనకు..!  

తిరుగులేని ఎదురుచూపు..కానుకగా ఇచ్చు.. 
మౌనవీణ రాగసుధయె..అనుపానము తనకు..! 

వినోదించు ప్రక్రియలో..ముంచెత్తే జాణ.. 
ఈ విశ్వము అందమైన..చెలిమి వనము తనకు..! 

గమనిస్తే శుభవసంత..మోహినియే తాను.. 
ప్రతి హృదయం దివ్యప్రేమ..కేదారము తనకు..! 

అన్నింటా తానుంటూ..అంటకనే ఉండు.. 
కణకణమో అద్భుతమౌ..సంసారము తనకు..! 

సత్యమేదొ తెలియజెప్పు..నిరుపమగురు రాణి.. 
ఈ జగాన ప్రతి రూపము..అపురూపము తనకు..!