తియ్యని ఎదురుచూపులు

నిశీధిలో నీ కోసం ఎదురు చూస్తున్న

పున్నమి వెన్నెలవై ఎదురు వస్తావని

నిశ్శబ్ద ఘడియల్లో నిల్చొని వింటున్న

నా గుండెసడి నీ గుండెను చేరుకోవాలని

తీయ్యని మాటలను మాలలుగా అల్లుకున్న

నీ చెవిలో వేసి నన్ను ఏలుకొమ్మని

సంధ్యకాలమున విరిసిన మల్లెలను

చెలికత్థేలుగా వెంటేసుకొని

సాగర తీరపు అంచున నిల్చున్న 

కడలి అలల నన్ను అల్లుకుంటావని

నా ఊహలకు ఉపిరి పోశావు

నా మనసుకు రెక్కలు ఇచ్చావు

నేను ఇప్పుడు ఎడారి ఎండమావి కాను

నా మది మావి చిగురు తిన్న 

వసంత కోకిలలా పాడుతుంది

నాలో కోరికలు సముద్రపు నురగల్లే

అలల మీద అలలారుతున్నవి....

నా కళ్ళు లక్షల భావాల భారంతో

నీ కళ్ళ రాకకై వీక్షిస్తున్నాయి

నీ ప్రేమ పరిమళాలతో

నా మేని గుబాలించింది 

ఏకమైయ్యే శ్వాసల సాక్షిగా 

అమర ప్రేమికులుగా 

అనంత కాలంలోకి ప్రవహిద్దాం....

ఏకాంత వీధుల్లో, నిర్జన దారుల్లో

నిశ్శబ్ద రాత్రుల్లో, నీశిధి ప్రవాహంలో

వెన్నెల దారుల్లో, వేసంగి వేకువ జాములో

నీ రాకకై నీరిక్షణ....రా ప్రియతమ!

**************************

సమీరం దూరం నుండి సిని సంగీతాన్ని 

లీలగా మోసుకొచ్చింది

("ఈ వేళ లో నీవు ఏం చేస్తూ ఉంటావో

అనుకుంటూ ఉంటాను ప్రతి నిమిషమూ నేను

నా గుండె ఏనాడో చేజారిపోయింది

నీ నీడగా మారి నా వైపు రానంది

దూరాన ఉంటూనే ఏం మాయ చేశావో

ఈ వేళలో నీవు ఏం చేస్తూ ఉంటావో

అనుకుంటూ ఉంటాను ప్రతి నిమిషమూ నేను")