స్వేచ్ఛ

అడుగు వేసేందుకు వెయ్యి రకాల ఆలోచనలు

ఆపైన వంద రకాల అనుమానాలు

ఆహారం

వస్త్రాలు

వస్తువులు

అన్నిటిలో స్వేచ్ఛ కావాలి మనకు

స్వతంత్రంగా నిర్ణయం తీసుకుంతున్నట్లు భ్రమలో బతికినా చాలు

అదో ఆనందం

నిజమైన స్వేచ్ఛ వీటితో ఆగిపోదు

చీకటి వెలుగుల ఆలోచనల్లో

వాటిని వ్యక్తపరిచే విధానాల్లో

విరుద్ధ భావాలు గల ప్రజలు కలిసి జీవించే వాతావరణంలో

ఇలా ఎన్నిటిలోనో స్వేచ్ఛ కావాలి

ఇది నాకు నచ్చలేదు అని చెప్పగలిగే స్వేచ్ఛ కలిగిన వ్యక్తులకు

ఇతరుల భావాలను కించపరిచే హక్కు లేదని తెలియజెప్పేంత స్వేచ్ఛ

ఇంగిత జ్ఞానం కలిగిన స్వేచ్ఛ

కావాలి

స్వేచ్ఛ పేరుతో జరిగే వికృతాలు చూసి 

రేపటి తరం వీగిపోని స్వేచ్ఛ కావాలి