షరతులు వర్తిస్తాయి
షరతులు వర్తిస్తాయి
అగ్గిపెట్టెలోని పుల్లలకూ
గ్యాసు పొయ్యి మీద వంటలకూ
తిరిగే ఫ్యానుకూ వెలిగే బల్బుకూ
షరతులు వర్తిస్తాయి
వాయిదాల సామాన్లు
వద్దన్నా టెంప్ట్ చేసే డిస్కౌంట్లు
పెట్రోలు డీజిల్ ధరలు
షరతులు వర్తిస్తాయి
ఆదివారం ఖర్చులు
పండగలప్పుడు బెరుకులు
దీపాల నూనె ఖర్చు
దేవుని పూజకు కూడా
షరతులు వర్తిస్తాయి
ఎగువ మధ్యతరగతి దిగువ మధ్యతరగతి
దేనికి చెందుతామో
దేనికి చెందాలో తెలీక
నిత్యం ఊగిసలాడే మేము
కనుగొంటూ ఉంటాము కొత్త కారణాలు