శూన్యం

ఎప్పుడో పారేసుకున్న ఆ నవ్వుల్ని ఏరుకొందామని

ఎద మొత్తం శోధించినా శూన్యమే చేతికి తగిలింది

గతకాలపు జ్ఞాపకాలు ఘనీభవించి ఏమి మిగలనీ

వింత అనుభూతి వెక్కిరించి ఏమార్పుని పెంచింది

శూన్యంలోనుంచి వచ్చిన నీకు శూన్యమేగా మోక్షం

కాలం సాగుతూనే ఉంటుంది నీ కాలాన్ని కొలుస్తూ

ఆ జాలంలో చిక్కి ఉనికి కోల్పోతావు ఏదో తలస్తూ

శతాబ్దాలు యుగాలుగా తెలియని అదో రహస్యం

కాదన్నా వద్దన్నా కబళించి విధి చేసే వింత హాస్యం

వృద్యాప్యమే కనులు ముందే కన్పించే ప్రబలసాక్షం

ఈ సృష్టిలో పుట్టుక గమనమే తెలియని ఆగమనం

గమ్యాన్ని నిర్దేశిస్తూ పోగొట్టుకోలేవా ఏమీ లేనితనం

రహస్యాన్ని చేదిస్తూ నిరూపించలేవా నీ గొప్పతనం

ఏదో సాధించావని సంపాదించావని అలా విర్రవీగకే

ఏమిలేదని రిక్త హస్తాలతో తిరిగి శూన్యంలోకి వెళ్ళే మనిషే మరి నిదర్శనం

అపరిచితుడువే ఈ లోకంలో అన్న నిజమేదైన్యం

పరిచిత నివాసం ప్రబలమై తెలసికొన నీకదిశూన్యం