శనైశ్చర కవితా గీతం 04- 10- 2026 కవీశ్వర్

శనైశ్చర కవితా గీతం  

04- 10- 2026 కవీశ్వర్

పల్లవి:

    జయ జయ జయ శనిదేవ కాదు రమ్యమాయనీ న్యాయా 

    ఛాయా పుత్రుడనీవేనయా  సకల కర్మ ఫల ప్రదాతవయా 

                                                                            \\  జయజయ \\

చరణం :1. 

ఒకరికి ఖేదం ఒకరికి మోదం నీ ఫలితాలు మోసే జనులేనయా 

నీవారే పూజలు ముదమున భక్తిచే శనివారముకొలిచేకారములయా

ప్రీతిగా మాచే తైలాభిషేకం జరిపించుకొనే మా వరప్రదాతవయా 

మా దోషముల మన్నించి అనంత సిరులను మాకు ఒసగుమయా

                                                                              \\ జయజయ \\

చరణం : 2.

జప,తప హోమం తొలగును క్షామం నీ నియమాలే మా దారులయా 

త్రయోదశులు,అమావాస్యలు,నీ జయంతియే ప్రత్యేక పండుగలయా 

క్రూర కర్మలకు తగిన ఫలితాలిచ్చే మా సవరణలు కోరే దయామయా 

జ్యేష్టా(దామినీ) పతివై  మందముగా చరించే సుందర మార్తాండ తనయా 

                                                                                 \\  జయజయ \\

చరణం: 3 .

నల , శివ , హరిశ్చంద్ర సన్మార్గ పయనమున  దక్షత చూపితివయా

వాయస వాహన చరిత గొప్పతనాన్నేరమ్యముగా చిత్రించితివయా

కర్తవ్య పరాయణ , అగ్రజుని స్వ పథాన పయనించి తరించితివయా 

నీ ధామాల దర్శన,పూజాభిషేకాల జరిపే భక్తుల పై కృపజూపితివయా 

                                                                                 \\ జయజయ\\

ఇది నా స్వీయ రచన . 

కవీశ్వర్ జయంత్ కుమార్ 

బుద్వేల్ , హైదరాబాద్ .