సెలవు - ఒక అబద్ధం

చెమటలు పట్టేస్తాయి

చేబదుళ్ళూ గుర్తుకు వస్తాయి

పెండింగ్ పనులు దెప్పుతాయి

అద్దాల్లోంచి చూపులు చురుక్కుమంటాయి

అదేంటో

రోజూ వెళ్ళే ఆఫీసే

సెలవు అంటే మాత్రం ఒప్పుకోదు

మడిసన్నాక కూసింత కలాపోషణ ఉండాలన్న సంగతేమో కానీ

కాస్త వ్యక్తిగత విషయాలకి సెలవు పెట్టాలంటే 

ఎన్ని అప్పగింతలు

ఎన్ని మూతి తిప్పడాలు

అందుకే 

సెలవు కోసం అబద్ధం చెప్పడం తప్పులేదనిపిస్తుంది

లేదంటే సెలవు అనేదే అబద్ధమయిపోతుంది